લઘુ વાર્તા: રીકનસીલિએશન

રાત્રી ના દસ‌ થવા આવ્યા હતા. ઓફિસની આવતાં મોડું થયું હતું. ઘરમા પ્રવેશતાં જ પત્નીએ પૂછ્યું હતું, ” આજે બહુજ મોડું થયું, નહીં ?” થાકેલા અવાજમાં તેણે જવાબ આપ્યો હતો,” કાલે હિસાબોના રીકનસીલિએશન – મેળવણા માટે હેડ ઓફિસ જવાનું છે.”

ઓફિસમાં સ્ટાફ દ્વારા તૈયાર કરાયેલા પત્રકો તપાસી, ગોઠવીને, નીચે હિસાબી અધિકારી ના સિક્કા પર પોતે સહી કરીને એટેચી માં મુકી દીધા હતા. સવારે વહેલી બસ પકડવાની હતી.

***

રીકનસીલીએશન નુ કામ પતાવીને એ ફરી ઘરે આવ્યા. હિસાબો બરાબર હતા તેવું પ્રમાણપત્ર હેડ ઓફિસે આપ્યું હતું. અધિકારીઓ પણ તેના કામથી ખુશ હતા. એકાઉન્ટ મેટર મા પોતાની માસટરી હતી. પણ ક્યારેય  અભિવ્યક્ત કરતા ન હતા.

***

ઘેર આવતાં જ પત્ની એ ટપાલમાં આવેલું કવર આપેલું. મિત્ર નો પત્ર હતો… લખ્યું હતું, ” તમે ઉછીના લીધેલા પૈસા પેટે બાકીના પચાસ હજાર ચૂકતે કરશોજી્.”

હવે આ રકમનો ક્યાં થી જોગ કરવો તેના ચકરાવે પોતે ચડી ગયા હતા, અને મોડે સુધી પડખાં ફેરવતા રહયા.